اقترب 'عبد الحميد' من 'توليب'..
'عبد الحميد' :- يلا قولي ؟!!
'توليب' :- أقول إيه ؟!!
'عبد الحميد' :- الحقيقة !!
'توليب' :- حقيقة إيه ؟!!
'عبد الحميد' :- اووف مش أنتي طلبتي مني من دقيقة أدي لك فرصة تتكلمي. يلا قولي وصدقيني هكون متفهم !!
'توليب' :- بجد؟ أنت واثق من نفسك أنك هتكون متفهم ؟!!
أومأ 'عبد الحميد' برأسه وابتسم لتشجيعها..
'عبد الحميد' :- لكن قبل ما تتكلمي عايزك تفكري معايا إزاي أختار القدر نجتمع أنا وأنتي في المكان اللي فيه اسم مراتي حتى أفتكرها، واللي أتمنى من ربنا لو أخلص منها !!
'توليب' :- أنت بتقول إيه ؟!!
'عبد الحميد' :- خلاص أنا عرفت الحقيقة، خالتي لما عرفت بجوازي من 'توليب' وأني رافض أشوفها وهي أكيد تعرفها لأنها صحبة أختي. زعلت عليا وفكرت تجوزني بعروسة ثانية حتى أنسى 'توليب' !!
'توليب' :- هي دي الحقيقة اللي كنت تقصدها ؟!!
'عبد الحميد' :- أنا فكرت هي ليه خالتي جت فرح 'عماد' ومعاها ست جميلة مناسبة لعمري !!
سمعت 'توليب' كلمة "جميلة" وأحست ببصيص أمل..
'توليب' :- يعني أنت شايفني ست جميلة ؟!!
'عبد الحميد' :- ماأنكرش أن خالتي عرفت تختار !!
'توليب' - بفرحة - :- يعني لو كانت 'توليب' مراتك شبهي، فأنت موافق تعيش معاها كزوج ؟!!
'عبد الحميد' :- أنتي فقدتي عقلك؟ أنا مش عايزها لكن أنا عند وعدي أني أسمح لها تعيش على ذمتي لحد ما ربنا يأخذها !!
'توليب' :- أنت ليه كل شويه بتدعي ربنا أنه يأخذها ؟!!
'عبد الحميد' :- هتقبلي نبدأ نفكر في موضوعنا وأنا متجوزها ؟!!
'توليب' :- ليه ماتفكرش تروح تشوفها ولو لدقيقة واحدة؟ مش يمكن تعجبك ؟!!
'عبد الحميد' :- وانا أعمل بيها إيه؟ إزاي هقدر أقدمها للمجتمع اللي أنا عايش بينهم وأواجههم في المناسبات والحفلات؟ هيقولوا إيه لما يشوفوا مرات 'عبد الحميد' فيها نقص مش زي بقية الستات ؟!!
'توليب' :- نقص؟ لو سمحت ماتقولش عليها كده. هو مش بإيدها، ربنا اختار لها تكون بالشكل اللي أنت بتقول عليه. أقصد أني اعرفها من خالتك لما كلمتني عنها !!
'عبد الحميد' :- وأنا مااعترضتش على خلقتها، لكن في واجبات عليا قدام المجتمع لازم أحافظ عليها. عايز ست كاملة، مش عايز الناس تضحك عليا ولو بالإشارة !!
من شدة كلام 'عبد الحميد' بدأت الدموع تتجمع في عيني 'توليب'..
'توليب' :- طب شوفني، أنت موافق أكون مراتك؟ أقصد هتقدر تقدمني للمجتمع ؟!!
'عبد الحميد' :- أنتي جميلة وهفكر في عرض خالتي، لكن سامحيني، مش عايز أتسرع في قراري !!
'توليب' :- عرض؟ هو أنت شايفني واحدة من صفقاتك، ممكن تقبلها أو ترفضها ؟!!
'عبد الحميد' :- الجواز مشروع لازم نفكر فيه بهدوء لأننا هنعيش مع بعض للأبد !!
'توليب' :- أنت شايف الجواز مشروع ممكن يفشل؟ عايزة أفهم هتخسر إيه في جوازك ؟!!
'عبد الحميد' :- الجواز من أصعب الصفقات، وزي ما شفتي فشلت في صفقتي الأولى ودخلت في صفقة فاشلة بجوازي الثاني ومش عايز أكرر الفشل في الجواز الثالث !!
'توليب' :- هو أنت إنسان؟ بتقارن الجواز وكأنه صفقة ومشروع ؟!!
'عبد الحميد' :- أي إنسان ناجح لازم يفكر في كل خطوة من خطواته، ومبدأياً أنتي عجباني، لكن لازم نتمهل شويه حتى نتعرف على بعض ونطمن أننا هننجح في مشروع جوازنا !!
'توليب' :- طب قولي إيه ااإيه اللي مش عاجبك فيا ؟!!
'عبد الحميد' :- قولت لك أنتي عجباني لكن شايف أننا لازم ندرس تفاصيل حياتنا ومستقبلنا ونعرف طباع بعض وعايز أتعرف على أفراد أسرتك !!
'توليب' :- تفكيرك فيه نقص شديد وأنا مقتنعة من دلوقتي أنك مش مناسب ليا إطلاقاّ !!
'عبد الحميد' :- ماتتسرعيش في قرارك. الستات دائماً مندفعين بمشاعرهم !!
'توليب' :- طب ممكن تسيبني وحدي دلوقتي؟ عايزة أقعد مع نفسي شويه وأنت تقدر تشوف لك صفقة حلوة بين المعازيم !!
'عبد الحميد' :- أنا مش مستعجل. معاكي وقت تفكري براحتك، وطبعاً بتمنى لك السعادة لو ماتوفقناش مع بعض. يلا سلام هروح أشوف الضيوف !!
أبتعد 'عبد الحميد' وترك 'توليب' وحيدة، وهي على يقين أنه لن يقبل بها..
في حياته..
༺༻