حاول 'عبد الحميد' ألا يطيل بنظراته عليها، فأخفض عينيه قبل أن يلاحظه أحد..
'جمال' :- فين 'أكرم'؟ عايزه يخرجني أشم شوية هواء وأرتاح من الدوشة !!
قامت 'نرجس' بسرعة وامسكت بكرسي والدها لكي يظن الناس أنها بارة بوالدها..
'نرجس' :- أنا اللي هخرجك يا بابا !!
'جمال' :- شكراً !!
'عبد الحميد' :- تحب أخرجك أنا يا عمي !!
'جمال' :- لا شكراً يا أبني. خليك مع ضيوفك، هتمشى شوية وبعدين هنام !!
'عبد الحميد' :- تحت أمرك يا عمي !!
خرجت 'نرجس' مع والدها إلى الحديقة الخلفية، وذهب 'عبد الحميد' إلى طاولة العروسين ليتحدث معهما..
شعرت 'توليب' بخطأ زواجها من 'عبد الحميد'، أنها وضعت نفسها في مكان غير مكانها وأعطت نفسها أملاً كاذباً من المستحيل تحقيقه. فقامت وفكرت في الخروج قبل أن تفقد السيطرة على نفسها فتلوم 'حنان' وتغضبها لأنها السبب في إقناعها بالزواج من 'عبد الحميد'..
'توليب' :- 'حنان' أنا هخرج أتمشى !!
'حنان' :- استني خمس دقائق، أخلص أكل وأخرج معاكي !!
'توليب' :- لا ماتتعبيش نفسك. هتمشى لنهاية الحديقة وأرجع !!
'حنان' :- طيب على راحتك !!
مشيت 'توليب' وبدأت تفكر في كلمات تعيد لها الثقة بنفسها قبل أن تصاب بانهيار نفسي..
ذهب 'عبد الحميد' إلى طاولة 'حنان' وتفاجأ باختفاء ممرضة خالته. لكنه جلس بهدوء..
'عبد الحميد' :- هاه يا خالتي مبسوطه بحفلة العشاء !!
'زهراء' :- كنت هكون مبسوطة أكثر لو تعشيت في فرحك الثاني !!
'عبد الحميد' :- لو العروسة كانت موجودة كنت عملت فرحي الثاني هاهاهاها !!
'زهراء' :- جرب أدعك الخاتم اللي في صباعك، يمكن تطلع منه عروستك وتلاقيها قاعدة جنبك !!
خافت 'حنان' من تلميح خالتها، فغمزت لها لتصمت قبل أن تكشف عن وجود 'توليب' بينهم..
'حنان' :- إيه بتقولي يا خالتي؟ سيبيه دلوقتي هو مشغول بالحفلة !!
'عبد الحميد' :- للأسف يا خالتي خاتمي مابيطلعش غير عفاريت رجالة بس !!
'زهراء' :- هبقى أشتري لك خاتم يطلع لك جن حريمي !!
'عبد الحميد' :- هاهاهاهاها يا ريتك تلحقيني بيه بسرعة أشوف لي عروسة حلوة !!
'زهراء' :- مش تشوف اللي عندك ؟!!
'عبد الحميد' :- تقصدي مين ؟!!
تجاهلت 'زهراء' سؤاله وتذكرت أنها رأت 'توليب' تسير باتجاه الحديقة الخلفية..
'زهراء' :- شفت عمك خرج مع بنته، إزاي حالته دلوقتي ؟!!
'عبد الحميد' :- إن شاء الله يكون أحسن، أملنا في ربنا كبير !!
'زهراء' :- مسكين واضح أنه تعبان قوي. ما تروح تشوفه هو أنت مطمن عليه وهو مع بنته !!
'عبد الحميد' :- الحقيقة لا !!
'زهراء' :- طيب ما تروح تشوفه !!
'عبد الحميد' :- حاضر هروح أشوفه، واضح أنك مش عايزاني أقعد معاكم !!
قام 'عبد الحميد'..
'عبد الحميد' :- 'فادي' تحب تيجي معايا !!
'فادي' :- قوي قوي يلا بينا !!
༺༻
'جمال' :- خلاص يا 'نرجس' طلعيني دلوقتي معاد أخذ الدواء !!
'نرجس' - بقسوة - :- تعبانة أخذك لسويت بتاعك. هتصل بـ 'أحلام' تنزل للحديقة وتاخذك معاها !!
'جمال' :- قولي لها تنزل بسرعة، حاسس بشويه تعب وعايز أنام !!
تجاهلت 'نرجس' طلبه بالسرعة. لكن بعد دقيقة أتت 'أحلام' ومعها جهاز قياس ضغط الدم. اقتربت من 'جمال' وقامت بقياس ضغط دمه، فوجدته منخفض..
'أحلام' :- حاسس بحاجة يا 'جمال' بيه ؟!!
'جمال' :- أيوة حاسس بدوخة !!
'أحلام' :- خلاص هأخذك دلوقتي لأوضتك، وتأخذ أدويتك وتستريح وتنام !!
مدت 'نرجس' ذراعها للممرضة..
'نرجس' :- وأنا كمان يا 'أحلام' ممكن تقيسي ضغط دمي ؟!!
'أحلام' :- حاضر أنتي تأمري !!
أمسكت 'أحلام' بذراع 'نرجس' وأعجبت بسوارها الماسي المتلألأ بنقاء..
'أحلام' :- ضغط دمك كويس جداً. الله، الاسوارة دي حلوة، هي الماس حقيقي ؟!!
'نرجس' - بغرور - :- طبعاً حقيقي. عمري ما لبست حاجة تقليد، حتى فستاني شوفيه أشتريته من أشهر دور الأزياء في باريس، ولو تشوفي بقية مجوهراتي هتلاقيها من أغلى الأحجار الكريمة ومصنوعة مخصوص علشاني أنا بس !!
سال لعاب 'احلام' لمجوهرات 'نرجس'، فبدأت تسألها عن أنواع المجوهرات وسعرها..
'جمال' :- الحقوني دلوقتي وبعدين كملوا كلامكم !!!
تجاهلت 'احلام' صوت 'جمال' وأكملت حديثها مع 'نرجس' عندما رأت منها تشجيعاً يرضي غرورها..
'أحلام' :- أنتي حلوة قوي بدا الفستان، شبه العروسة باربي !!
'نرجس' :- هههههه أيوة، شفتي واحدة في الحفلة لابسه أحسن مني ؟!!
'أحلام' :- عايزه أحضر الحفلة وأشوف بنفسي وأقولك !!
'جمال' :- 'نرجس' الحقيني، عيني بدأت تغمي عليا !!
'نرجس' :- حاضر، أصبر دقيقة بس !!
رأت 'توليب' الموقف كله وتذكرت والدها أثناء مرضه، فركضت وأمسكت بيد 'جمال' وأحست بضعف نبضه..
'توليب' :- ما تقوموا تلحقوه؟ الراجل هيروح منكم ؟!!
'نرجس' :- يوووه هو كل مرة بيتعب كده، لو عايزه طلعيه أنتي، مش أنتي ممرضة؟ إحنا مش عايزين نطلع دلوقتي !!
تجاهلتهما 'توليب' لأن الوقت ضيق لإنقاذه..
'توليب' :- تحب أخذك لاوضتك !!
'جمال' :- يا ريت يا بنتي، لكن عايز تطلع معانا 'أحلام' لأنها عارفة بأدويتي !!
مسحت 'توليب' بيدها العرق المتجمع على وجه 'جمال'..
'توليب' :- خلينا نروح لأوضتك وأطمن، هعملك اللازم وهنطلب دكتور يجي يشوفك. قولي أنت قاعد في أوضة رقم كم ؟!!
أمسكت 'توليب' بمقبض الكرسي وركضت بسرعة نحو باب الفندق..
'نرجس' :- شايفة بابا إزاي بيتعبني؟ الدكتور قال أنه لسه هيعيش بعد ما استئصل الورم، فليه بيعمل معايا كدا ؟!!
'أحلام' :- ماتزعليش نفسك، هم الرجالة كده، لما بيكبروا بيبقوا صعبين. ما أنا شفت زيه كثير !!
اقترب منهما 'عبد الحميد' بغضب و'فادي' يمشي خلفه..
'عبد الحميد' :- وشفتي كثير وهم بيطردوكي !!
ارتجفت 'احلام' من الخوف..
'أحلام' - بإرتباك - :- ليه؟ أنا قست له ضغط دمه وكنت هطلعه واجيب له الدواء !!
'عبد الحميد' :- وبعدين ؟!!
'أحلام' :- طلب مني اسيبه شوية !!
'عبد الحميد' :- الصبح تروحي لجنهم وماشوفكيش قدامي مرة ثانية !!
'أحلام' :- ليه؟ أنا عملت إيه ؟!!
'عبد الحميد ' - بعصبية - :- 'فادي' مشيها من قدامي قبل ما أكسر لها رقبتها وماتقدرش تشوف الكثير اللي بتقول عليهم !!
'احلام' :- حرام عليك، حرام قطع الأرزاق !!
'عبد الحميد' :- 'فادي' !!!
أشار لها 'فادي' أن تذهب معه، لكنها ركضت نحو 'نرجس'..
'احلام' - بتوسل - :- ربنا يخليكي يا ست 'نرجس'. قوليله إزاي أنا كنت مشغولة معاكي. قوليله يخليني في شغلي، أنا ارتحت في الشغل معاكم !!
'نرجس' - بملل - :- وأنا مالي. خلاص لقينا بدالك ممرضة !!
'فادي' - بسخرية - :- مسكينة ضيعتي نفسك معاها. لا هي قدرت تملقك وأنتي بتمدحي مجوهراتها وفساتينها ولا قلبها حن عليكي. يا بنتي هي مارحمتش والدها فهترحمك أنتي ؟!!
'نرجس' - بغضب - :- وأنت مالك؟ بابي وأنا حرة فيه !!
'فادي' :- والله يا 'عبد الحميد' أنك على حق لما تجوزت عليها !!
'عبد الحميد' :- خلينا في المهم. خذ الممرضة وأطلب من الحسابات يصرفوا لها راتب شهر !!
'نرجس' - بِغل - :- ليه راتب شهر؟ أنت بتدفع من فلوس والدك؟ هي أشتغلت معانا أسبوع واحد بس !!
'عبد الحميد' :- اسكتي، ماتنطقيش اسم والدي، وأنا خلاص قولت كلمتي !!
شهقت 'احلام' من لؤم 'نرجس'..
'احلام' :- هه مش أنتي السبب في إنه يطردني؟ ودلوقتي عايزه تمنعيه يصرفوا لي حقي ؟!!
'نرجس' :- يصرفوا لك بس أربعة أيام شغل وخصم يومين لقلة أدبك معايا !!
ركضت 'أحلام' نحو 'عبد الحميد'..
'أحلام' :- ارجوك..!!
'عبد الحميد' :- يا ريت يكون دا درس ليكي، تبطلي تجاملي وتتملقي لأي حد وتكوني تركزي بس على شغلك. ومش دي أول مرة تهملي فيها صحة عمي. ودلوقتي يلا روحي معاه وخذي حسابك ومن بكرة ماأشوفكيش قدامي !!
مشى 'عبد الحميد' نحو باب الفندق، لكن 'أحلام' وقفت أمامه..
'أحلام' :- لحظة لو سمحت، هو أنت متأكد من الممرضة اللي راحت مع 'جمال' بيه أنها هتقبل تشتغل معاكم ؟!!
'عبد الحميد' :- مايهمنيش أتاكد من حاجة. أنا شفت قدامي ملاك أنقذت عمي علشان الواجب بس. مافكرتش أنه مش من مسؤوليتها أو مش وظيفتها أو أنها هتاخذ فلوس مقابل إنقاذها حياته حتى تتردد في انقاذه. ولعلمك هي أصلاً بتشتغل ممرضة لحد ثاني، لكن بكره هروح أجيب ممرض غيرك من أقرب مستشفى، ودلوقتي أطلع أشوف إزاي صحة عمي نتيجة إهمالك وإستهتارك بحياته. يلا توكلي مع السلامة. وصلها يا 'فادي' !!
༺༻