اتصل 'عادل' وهو يلهث من السرعة بـ 'إيزابيل'..
'إيزابيل' :- الووو !!
'عادل' :- خلاص أنا حرقت البنت من غير محد يشوفني ودلوقتي هستخبى كام يوم وماتنسوش تبعثوا فلوسي مع 'شاكر' !!
فهمت 'إبزابيل' من كل كلامه أنه قد أحرق 'توليب'..
'إيزابيل':- تمام !!
أغلقت 'إيزابيل' الهاتف، ولاسعادتها بنجاح خطة ابنتها، قررت التخلص من 'جمال' إيضاً. التفتت إليه ورأته خافض رأسه بانكسار. أخذت 'إيزابيل' وسادة من الأريكة وقلبتها بين يديها تتحس متانتها..
'إيزابيل' :- 'جمال'؟ أنت عارف فين هتكون بكرة في الوقت دا ؟!!
'جمال' :- أكون في أي مكان، أهم حاجة ماشفوش وشك أنتي وبنتك !!
انفجرت 'إيزابيل' تضحك بسخرية..
'إيزابيل' :- بكرة هتكون تحت الأرض وإحنا فوقها نتهنى بحياتنا من غيرك !!
'جمال' :- بجد، عايز أعرف إيه القلوب القاسية اللي معاكم؟ ليه بتكرهوني وأنا قضيت عمري كله بس علشان أسعدكم وعمري ما فكرت يوم أني ممكن أموت بسببكم !!
'إيزابيل' :- تموت بسببنا؟ ليه ماتقولش تموت بإيدينا الناعمة ههههههه !!
التفت 'جمال' إلى 'إيزابيل' فرأى الوسادة بين يديها وفهم ما تنوي..
'جمال' :- مش قادرين تستنوا حتى يخلص عمري اللي كتبه ربي ليا !!
'إيزابيل' :- وبالمخدة كمان كله مكتوب !!
'جمال' :- هتخنقيني؟ فاكره أنك هتقدري تقتليني ؟!!
'إيزابيل' :- خلينا نجرب؟ أنا زمان جربت ونجحت !!
'جمال' :- تقصدي إيه ؟!!
'إيزابيل' :- فاكر والدك العزيز !!
'جمال' :- ..!!
'إيزابيل' :- آووه 'جمال' ليه تفكرني بحاجة راحت من عشرين سنة؟ لكن الحقيقة والدك ضحكني موت وهو بيختنق تحت إيدي. بحب عشيته وأكلته بإيدي اللحم وأكلته وأكلته وهو يأشر ليا أنه خلاص شبع، لكن أنا ماوقفتش أكلته أكثر وأكثر، وكتمت بقه بكفي حتى مايطلعش اللحم وهو رافض يختنق وبدأ يحرك رأسه يمين وشمال، يمين وشمال، عايز يهرب من تحت إيدي، لكن حبيبتى 'نرجس' ولسه عمرها 16 سنة، جت من وراه حضنت رأسه بقوة وأنا كتمت أنفاسه حتى خرجت روحه بالعافية. تعبت معاه قوي، وأنت لو سمحت أرجوك ماتتعبنيش معاك موت بسرعة !!
'جمال' :- يعني من عشرين سنة وأنا مابنامش حاسس بتأنيب الضمير أني سبته يأكل لوحده؟ وقاطعوني إخواتي أني قتلته بإهمالي؟ عشت عشرين سنة وأنا زعلان على أبويا، وزعلان من نفسي، ومكسوف من أخواتي. دلوقتي أنا اللي نفسي أخنقك بإيدي !!
'إيزابيل' :- عايز تخنقني يا ناكر الجميل؟ بسبب شغلي اتقاسمت فلوس والدك مع أخواتك وأنا ماخرجتش بحاجة، ودلوقتي لما أخنقك، أخواتك هيتقاسموا معايا ومع بنتي كمان !!
اقتربت 'إيزابيل' من 'جمال' بكره وبكل قوتها كتمت أنفاسه بالوسادة..
'إيزابيل' :- ليه أنا أتعب وغيري يأخذ جهدي؟ ليه؟ ليييه؟!!
زادت ضغطها بالوسادة على وجه 'جمال'، وحاول مقاومتها لكنه رأى أنها مصممة على قتله وأقوى منه، فأستسلم للموت..
'إيزابيل' :- هتموت زي ما 'عبد الحميد' مات، و'توليب' إنحرقت، لكن أطمن هي هتلحقكم !!
انفتح الباب ودخل 'أكرم'. التفتت 'إيزابيل' نحوه في خوف وابتعدت بسرعة عن 'جمال'..
'أكرم' :- 'إيزابيل' !!
'إيزابيل' :- أنا بس..!!
'أكرم' - مقاطع - :- 'نرجس' راحت المستشفى وعيزاكي تروحي لها !!
'إيزابيل' - باستغراب- :- 'نرجس' ؟!!
'إيزابيل' - لنفسها - ... " يمكن راحت مع 'عبد الحميد' حتى يفكروا أنها خايفه عليه؟ أو مع 'توليب'، أه هي قصدها تبعدنا عن أي شبه، ههههه 'نرجس' بنتي ذكية !! " ...
'إيزابيل' :- اوكي، بلغ الشوفير يستناني !!
'أكرم' :- هو جاهز ومستنيكي تحت !!
خرجت 'إيزابيل' وبدأ 'جمال' يتنفس بصعوبة، اقترب منه 'أكرم' ومسح على صدره ليساعده على التنفس..
'أكرم' :- أنت بخير يا 'جمال' بيه ؟!!
أومأ 'جمال' برأسه..
'أكرم' :- أنا شفتها وهي بتخنقك، لكن قولت في الأول تشوف بنتها وبعدين أنت تقرر لو اروح بكرة أقدم بلاغ عليها لمحاولتها قتلك ؟!!
'جمال' :- مالها 'نرجس'؟ و'عبد الحميد' و'توليب' قولي حصلهم إيه ؟!!
'أكرم' :- 'عبد الحميد' تعرض لإطلاق نار والحمدلله الرصاصة جت في كتفه و..!!
سكت 'أكرم' ليخبره أن 'نرجس' قد احترقت.
'جمال' :- هو صحيح أن 'توليب' أحترقت ؟!!
'أكرم' :- لا، بنتك 'نرجس' هي اللي أنحرقت بميه النار و'حنان' أخذتها للمستشفى مع خالها !!
'جمال' :- 'نرجس' ؟!!
صمت 'جمال' من الحزن وهو يفكر في ابنته..
'جمال' :- وإزاي جيت أنقذتني ؟!!
'أكرم' :- شافتني 'زهراء' قاعد في صالة الإستقبال، ولما سألتني عن سبب أني قاعد هناك قولت لها 'نرجس' ووالدتها طلبوا مني أسيبك وأستنى حتى يخلصوا كلامهم معاك، وطلبت مني ألحقك لأن الدور عليك، وفعلآ كلامها طلع صح !!
'جمال' :- 'زهراء'؟ يعني 'زهراء' هي اللي انقذتني؟ فين هي دلوقتي؟ أنا عايزها و'إيزابيل' هطلقها وأخليها تسافر مع بنتها تعالجها من الحروق !!
༺༻
دخلت 'إيزابيل' قسم الطوارىء ورأت 'حنان' تبكي في أحضان زوجها 'فادي'. رأتها 'حنان' وركضت نحوها لتمنعها من الدخول..
'حنان' :- 'إيزابيل'، أرجوكي ماتدخليش، مش هتقدري تتحملي المنظر !!
نظرت 'إيزابيل' إلى 'حنان' بحزن وكأنها تواسيها على 'توليب'..
'إيزابيل' :- لا عادي، دا قدرها !!
'حنان' - بدهشة - :- واو أنتم الفرنسيين تقدروا تقبل الواقع بسرعة، لكن أنا بقول برضه ماتشوفيهاش !!
'إيزابيل' :- وليه عادي تدخل 'نرجس'؟ أكيد هي زعلانه دلوقتي ومحتاجة أكون جنبها، أنا كمان هدخل أشوف بنتي عاملة إيه ؟!!
'حنان' :- 'إيزابيل' أرجوكي بلاش !!
'إيزابيل' :- أوووه وسعي !!
دفعت 'إيزابيل' 'حنان' بعيداً عنها..
'إيزابيل' - لنفسها - ... " عايزه تمنعيني أشوف نتيجة تخطيط بنتي هههههه !! " ...
دخلت 'إيزابيل' واقتربت من السرير. ورأت عليه كتلة لحم "مشوهة"، في حالة غيبوبة متصلة بخراطيم وأنابيب في وجهها وذراعيها، وبقيت خصلات شعر ذهبية من رأسها المحروق.اقتربت 'إيزابيل' غير مصدقة ما ترآه أمام عينيها بعد أن عرفت أنها 'نرجس'..
'إيزابيل' :- مين دي ؟!!
ركضت 'حنان' واحتضنتها، وأمسكها 'فادي' من ذراعها..
'حنان' :- قولتلك ماينفعش تشوفيها بدي الحالة !!
حركت 'إيزابيل' رأسها متسائلة بين 'حنان' و'فادي'..
'إيزابيل' :- مين دي ؟!!
'فادي' :- لا حول ولا قوة إلا بالله واضح أنها هتفقد عقلها !!
ابتعدت 'إيزابيل' عن 'حنان' و'فادي' وتراجعت إلى الخلف وهي تفكر في عذاب ابنتها والألم الذي شعرت به والتخطيط الفاشل. انصدمت وصرخت باعلى صوتها للمرة الأخيرة..
'إيزابيل' :- مين ديييي ؟!!
لم يتحمل قلب 'إيزابيل' صدمتها العنيفة، فسقطت على الأرض..
جثةً هامدةً..
༺༻
'أكرم' :- حنان بتتصل !!
'جمال' :- رد عليها بسرعة !!
فتح 'أكرم' المكالمة واغلق الخط بعد دقيقة..
'أكرم' :- 'جمال' بيه آسف للأخبار السيئة، 'حنان' بتقول إن الدكتور بلغها بحالة 'نرجس' وأنها هتموت، لكن هي مسألة وقت لأن القلب وأعضاء التنفس ادمروا بالكامل والأعمار بيد الله !!
'جمال' :- يا رب بنتي ؟!!
'أكرم' :- ومراتك كمان 'إيزابيل' !!
'جمال' :- مالها؟ إيه حصل لها ؟!!
'أكرم' :- ماتت. ماقدرتش تتحمل الصدمة !!
'جمال' - بصدمة - :- ماتت؟ شوف لي 'زهراء'، أنا عايزها، محتاج لها قوي، دلوقتي تروح تجيبها، أنا عايزها !!
'أكرم' :- حالاً أروح أدور عليها !!
غادر 'أكرم' وترك 'جمال' بمفرده، وهو يفكر بحزن في نهاية ابنته وزوجته، وتذكر كلام 'إيزابيل'..
أنه غداً سيكون تحت الأرض..
وهما فوق الأرض..
ولكن لا يعلم الغيب إلا الله..
༺༻