في المساء عاد 'عبد الحميد' من القاهرة مع طفليه ودخل معهما جناح عمه. ركض الطفلان البالغان من العمر سبع سنوات بسعادة نحو 'جمال' وكان هو أكثر سعادة عندما رآهما..
'جمال' - بسعادة - :- تعالوا لحضني أشبع منكم !!
ضمهما 'جمال' بقوة إلى صدره..
'جمال' :- اشتقت لكم يا حبايبي !!
'آدم' :- وإحنا كمان يا جدو،
لكن إحنا زعلانين منك !!
'جمال' :- مستحيل أزعلكم. قولوا لي إيه اللي زعلكم ؟!!
'آيريس' :- سافرت أنت وبابا وسبتونا وحدنا !!
'آدم' :- أيوة تعودنا نقعد معاك أو مع بابا !!
اقترب 'عبد الحميد' من خلفهما واحتضنهما من أكتافهما..
'عبد الحميد' :- سامحونا. لكن جدو كان تعبان قوي وماقدرناش نأخذكم معانا. لكن من الليلة نوعدكم بأننا مش هنسيبكم أبداً !!
'آدم' :- يعني الليلة هنام معاك أو مع جدو ؟!!
'عبد الحميد' :- قولت لخالتكم 'حنان' تيجي تأخذكم عندها، هاه إيه رأيكم ؟!!
قفز الطفلان من الفرح..
'آدم' و'آيريس' :- أيوة أيوة عايزين نلعب مع 'فرح' و'سارة' !!
'عبد الحميد' :- طيب اقعدوا بهدوء جنب جدو وأنا هروح أدور على خالتكم وأقولها إنها تأخذكم معاها وتلعبوا مع بناتها !!
'آدم' و'آيريس' :- هييييه !!
فرح 'عبد الحميد' لفرحة طفليه والتفت إلى 'جمال'..
'عبد الحميد' :- عمي وقتي ضيق فسامحني، هسيب ولادي معاك حتى تيجي 'حنان' تأخذهم !!
'جمال' :- خليهم أنا لسه ماشبعتش منهم !!
'عبد الحميد' :- أشكرك يا عمي، أنا نازل دلوقتي أشوف خالي وضيوفه واطمن أن كل حاجة تمام !!
رأى 'جمال' علامات الإرهاق على وجه 'عبد الحميد'..
'جمال' :- أنت نازل دلوقتي؟ أرحم نفسك شوية. أنت في سفر من الصبح. بقول أول حاجة تروح لجناحك وتنام لك ساعتين على الأقل !!
'عبد الحميد' :- لا مايصحش أسيب خالي وحده مع الضيوف. هروح أقعد معاهم شوية وأرجع أنام ماتقلقش !!
'جمال' :- طيب يا ابني ربنا يكون في عونك !!
خرج 'عبد الحميد' ونزل إلى قاعة الإحتفال وسلم على الضيوف وأحتفل معهم. وبعد ربع ساعة وصلت 'حنان' مع زوجها وأولادهما. رأها 'عبد الحميد' واتجه نحوها..
'عبد الحميد' :- أهلاً بيكي أختي. خلاص وصلت الأمانة ودلوقتي هم مع عمي !!
'حنان' :- طيب بناتي هيطلعوا لهم وبعد الحفلة أبعث لي شنطهم للبيت !!
'عبد الحميد' :- أنتي أخت طيبة وأحن عليهم من أمهم !!
'حنان' :- مش جديدة. ودلوقتي بعد إذنك اسمح لي أتصل بخالتي و'أمل' أشوف هم تأخروا ليه ؟!!
'عبد الحميد' :- قصدك أنهم لسه ماأنتقلوش للفندق ؟!!
'حنان' :- آه لسه !!
'عبد الحميد' :- طييب حسابهم معايا بعدين بس ليه ماجيبتيهومش معاكي وأنتي جاية ؟!!
'حنان' :- خبطت عليهم الباب ولقيتهم مش جاهزين وطلبوا مني اسبقهم !!
'عبد الحميد' :- استعجليهم، دواء عمي معاده قرب وهم..!!
لم يتمكن 'عبد الحميد' من أكمال كلامه إذ رأى الظلام يعمي عينيه، والأرض تغوص تحت قدميه، ففقد توازنه وسقط في أحضان أخته. اخذته 'حنان' بين ذراعيها وسقطت معه على الأرض. ضربت وجهه بخفة لإيقاظه، ونظرت حولها تبحث عن زوجها..
'حنان' :- 'عبد الحميد' قوووم. 'فاااادي'؟ الحقني يا 'فادي'؟ الحقووووني. مش عارفه إيه حصل لأخويا ؟!!
ركض 'فادي' و'عماد' وبقية الضيوف نحوهما وحملوا 'عبد الحميد' إلى غرفة نومه. اتصلت 'حنان' بخالتها 'زهراء' وطلبت منها أن تأتي مع 'توليب' لرؤية شقيقها..
'زهراء' :- 'تولييب' الحقي، 'عبد الحميد' أغمي عليه. اجري نروح نشوفه !!
'توليب' - بخوف - :- إيه حصل لـ 'عبد الحميد' ؟!!
'زهراء' :- مااعرفش. خلينا نروح !!
وبعد عشر دقائق وصلت 'توليب' و'زهراء' إلى الفندق واستقلتا المصعد. انفتح الباب ورأتا الكثير من الناس مجتمعين. رأتهما 'حنان' واتجهت نحوهما..
'حنان' :- مش هنقدر ندخل ونشوفة دلوقتي. الدكتور عنده !!
'توليب' :- اطمني إن شاء الله يكون بخير !!
'زهراء' :- 'توليب' أستغلي الوقت وروحي جيبي لـ 'جمال' أدويته !!
'توليب' :- آاه طيب !!
ذهبت 'توليب' إلى جناح 'جمال' ودخلت، فرأت طفلي 'عبد الحميد' يلعبان مع أبنتي 'حنان'، وقبل أن تتجه نحوهما، رأت 'نرجس' واقفة مع والدتها في الغرفة المجاورة. رأتها 'نرجس' ونادت عليها..
'نرجس' :- أنتي يا ممرضة، تعالي لو سمحتي !!
ذهبت إليها 'توليب' رغماّ عنها..
'توليب' :- نعم ؟!!
'نرجس' :- أنتي معاكي شهادة تمريض ؟!!
خافت 'توليب' إذا كذبت، أن تطلب منها إحضار شهادة التمريض للإطلاع عليها..
'توليب' :- الحقيقة أنا أخذت دورات في الإسعافات الأولية بس !!
'نرجس' :- يعني أنتي مش فاهمة لكل أنوع الأدوية ؟!!
'توليب' :- بعرف بس الأدوية الشائعة، قصدي اللي بتستخدم كثير بين الناس !!
ابتسمت 'نرجس' بخبث، والتفتت إلى والدتها 'إيزابيل' وتحدثت بالفرنسية..
'نرجس' :- ماما، دي فرصة جت لنا. واضح عليها أنها واحدة عبيطة قوي وهتنفذ خطتنا من غير ما تعرف إيه بتعمل !!
تفاجأت 'توليب' بكلام 'نرجس' لكنها ظلت صامتة كأنها لم تفهم..
'إيزابيل' :- تمام هنجيب لها الداوء *** اللي بيسبب *** ونسيب "ابن العم" يموت أو يدخل في غيبوبة !!
فهمت 'توليب' أن كلمة "ابن العم" اسم وهمي حتى لا تنطقا اسم الشخص أمامها..
'نرجس' :- أيوووة لما يخرج الدكتور نأخذ الوصفة كأننا روحنا نشتري له الدواء ونسلمه للعبيطة وهتجيب له، وبكدا لو مات والشرطة عرفت تبقى هي المتهمة الوحيدة قدامهم ونبقى بسلام !!
'إيزابيل' :- يستاهل اللي هيجرا له هو اللي جابه لنفسه !!
'نرجس' :- ولما يموت أو يدخل في غيبوبة هنكون المسؤولين أمام مجلس الإدارة، وخصوصاً أن "العم" قريب هيموت وإحنا نكون جهزنا نفسنا حتى نقدر نبيع أسهمنا ونصيبنا ونسافر لفرنسا !!
'إيزابيل' - بحقد - :- وهم يتعفنوا هنا !!
'نرجس' :- أيوة، ونرتاح منهم. ودلوقتي يا ماما أنا رايحة أشوف جوزي حبيبي وخليكي معاها وجيبي لها الدواء !!
'إيزابيل' :- حاضر يا حبيبتي !!
التفتت 'نرجس' إلى 'توليب' وتكلمت بالعربية..
'نرجس' :- ادخلي يا قمر إدي الدواء لبابا باااي !!
'توليب' - لنفسها - ... " أنتي العبيطة يا بنت العبيطة. مين ناويين تقتلوا؟ بتنادي 'عبد الحميد' حبيبي ووالدك بابا، يبقى مين هم "العم وابن العم" ؟!! " ...
لمست 'إيزابيل' كتف 'توليب' فصرخت في رعب وذعر والتفتت إليها. أشارت لها 'إيزابيل' بصمت إلى أن تدخل غرفة نوم 'جمال'. هزت 'توليب' رأسها بأنها فهمت إشارتها. دخلت 'توليب' غرفة 'جمال' وركزت كل اهتمامها على الأدوية التي ستعطيه إياها. وبعد ان اطمنت عليه خرجت إلى الممر. أوقفتها 'إيزابيل' وأشارت لها بالسير خلفها، فمشت خلفها في خوف. أخذتها إلى نفس الغرفة التي كانت فيها مع 'نرجس'. فتحت 'إيزابيل' الثلاجة وطلبت منها إخراج الدواء. اخذت 'توليب' الدواء وعرفت نوعه..
'توليب' - لنفسها - ... " مين بيأخذ دا الدواء ؟!! " ...
التفتت 'توليب' إلى 'إيزابيل' لتسألها، فرأتها تلعق شفتيها من القلق. فهمت 'توليب' القصة وأنتقل إليها جفاف الفم من الخوف. تحدثت 'إيزابيل' بلغة عربية ركيكة..
'إيزابيل' :- يلا خذ كل دواء في حقنة وجيب لـ 'عبد الحميد' !!
'توليب' :- هاه حاضر !!
فكرت 'توليب' في تنفيذ كلامها لتكسب بعض الوقت للتفكير في طريقة لإنقاذ 'عبد الحميد'. ثقبت الغطاء المطاطي بالإبرة وامتصت كل الدواء إلى الحقنة..
'توليب' - لنفسها - ... " إزاي أكلم 'حنان' بجريمتهم؟ لو تسيبني الشيطانة شوية حتى أقدر أحذرهم. لكن أنا خايفة لو يشوفوا الناس الحقنة في إيدي ويصدقوهم ويكذبوني، ويكون الدليل ضدي والتهمة لابساني قدام الكل !! " ...
'إيزابيل' :- يلا خلص !!
فكرت 'توليب' في خطة لإنقاذ 'عبد الحميد'..
'توليب' :- طب ممكن تروحي تجيبي قطن مافيش هنا !!
'إيزابيل' :- اممم، حاضر !!
دخلت 'إيزابيل' غرفة 'جمال' لإحضار القطن، وسرعان ما اخذت 'توليب' حقنة أخرى وماء مقطر وخبأتهما في حقيبتها. عادت 'إيزابيل' بالقطن واعطته لـ 'توليب'. خطت خطوة ووقفت أمام الحمام..
'توليب' :- دقيقة واحدة حمام بطني !!
'إيزابيل' :- بعدين مش دلوقتي !!
'توليب' :- دقيقة واحدة بس. مش هقدر استحمل أكثر !!
'إيزابيل' :- أدخل بسرعة. بس هات حقنة !!
أعطت 'توليب' الحقنة لـ 'إيزابيل' ودخلت الحمام. أخرجت الحقنة بسرعة، وامتصت الماء المقطر، واعادته إلى حقيبتها، وغادرت الحمام جاهزة..
'توليب' :- خلاص شكراً، هاتي الحقنة !!
مشت 'توليب' مع 'إيزابيل'، واستقلتا المصعد إلى جناح 'عبد الحميد'. دخلت 'توليب' غرفة نومه وسرعان ما أبدلت بين الحقنتين بداخل حقيبتها. رأت الكثير من الناس حوله. اقتربت أكثر وشعرت بالقهر عندما رأت 'عبد الحميد' يظهر حبه لـ 'نرجس' ويحتضن يدها، و'نرجس' تحتضن وجهه بيدها الأخرى..
'توليب' - لنفسها - ... " دي عايزه تقتلك يا أهبل !!! " ...
شعرت 'توليب' بالغضب من المنظر، وارتفع الدم إلى رأسها، ولم تعلم أن 'عبد الحميد' كان يحاول التظاهر أمام أفراد الأسرة الحاضرين بأنه على علاقة جيدة مع 'نرجس'..
'عبد الحميد' - لنفسه - ... " ربنا يأخذك. إيه دا التمثيل الأوفر ؟!! " ...
نظر 'عبد الحميد' إلي 'توليب' وتفاجأ عندما رأى وجهها أحمر عندما اقتربت منه..
'نرجس' - بلطف - :- أيوة جيتي في وقتك. لو سمحتي بحنية على جوزي !!
جلست 'توليب' بجوار سرير 'عبد الحميد'..
'توليب' :- ممكن لو سمحت ؟!!
أحرج 'عبد الحميد' من الناس حوله..
'عبد الحميد' :- طيب استني لحظة يطلع..!!
كانت 'توليب' تشعر بالقهر، فتحدثت بعصبية دون وعي..
'توليب' - مقاطعة - :- يووووه خلصني. هو أنا يعني هشوف مغارة علي بابا ؟!!
سمعها من في الغرفة وارتفعت أصواتهم بالضحك. خجل 'عبد الحميد' منهم..
'عبد الحميد' - بعصبية - :- 'فادي' لو سمحت عايز ارتاح !!
طلب منهم 'فادي' مغادرة الغرفة، وبعد خروجهم مال 'عبد الحميد' على جانبه وهو يفكر في الانتقام منها..
'عبد الحميد' - في نفسه - ... " كدا ضيعتي هيبتي قدام الناس؟ والله ما أنا سايبك !! " ...
༺༻