خرج 'عبد الحميد' من المصعد واقترب منهما..
'عبد الحميد' - بسخرية - :- اللي يشوفكم كدا وأنتم متعلقين ببعض هيفكر إنكم عرسان !!
ارتبكت 'توليب' وابعدت يدها عن ذراع 'فادي'..
'عبد الحميد' - متسائلاً - :- أنتم مستنين فرقة تيجي تعمل لكم زفة حتى تمشوا !!
'فادي' - بجدٍ - :- كنا ماشيين لكن هي اتزحلقت وكانت هتوقع فمسكت بذراعي !!
'عبد الحميد' :- اااه كدا. طيب اسبقوني دلوقتي وأنا هحصلكم !!
مشى 'عبد الحميد' نحو مكتب الاستقبال ونظره عليهما..
'عبد الحميد' - لنفسه - ... " وهو في حد كان هيوقع على الأرض ووشه يكون مبسوط أخر انبساط؟ لازم أحط ممرضة خالتي قدام عيني حتى أحافظ على بيت أختي !! " ...
'توليب' - بتوتر - :- 'فادي' لو سمحت خلينا نمشي بشويش، هو بيشوف ناحيتنا وخايفه اتزحلق قدامه بحق وحقيقي !!
'فادي' :- حاضر !!
سارا 'توليب' و'فادي' ببطء، وعندما خرجا من البوابة أسرعا بمشيهما حتى وصلا إلى طاولة 'حنان'..
'توليب' - بخوف - :- 'حنان' الحقينا، وقعنا أنا و'فادي' بورطة قدام 'عبد الحميد' ودلوقتي لازم نمشي من هنا !!
'حنان' :- مالكم؟ اقعدوا واحكوا لي إيه اللي حصل ؟!!
جلسا وأخبرا 'حنان' بما حدث..
'زهراء' :- قولت لكم سيبوني أتفاهم معاه. كدا هيبعد عنك 'عبد الحميد' !!
'حنان' :- لا يا خالتي مش وقته !!
'فادي' :- خلاص اسكتوا. 'عبد الحميد' جاي ناحيتنا !!
خافت 'توليب' من أن يقوم 'عبد الحميد' بإهانتها مرة أخرى، فسحبت عربة ابن 'حنان' ليظن أنها مشغولة باللعب معه. رفع 'عبد الحميد' ابنة أخته 'فرح' وجلس مكانها، واجلسها على ساقه والتفت إلى 'حنان'..
'عبد الحميد' :- إيه رأيك في الحفلة يا 'حنان'؟ مبسوطه ؟!!
'حنان' :- مبسوطة قوي قوي، بس شايفه أن الوقت تأخر ولازم..!!
'عبد الحميد' - مقاطع - :- عجبكم الأكل يا بنات ؟!!
'سارة' :- العشاء كان حلو قوي !!
'عبد الحميد' :- حلو جداً. وأنتي يا 'فرح' ؟!!
'فرح' :- أكلت كثير حتى شبعت. وعجبني طبق الجيلي !!
'عبد الحميد' - بهدوء - :- كويس قوي يا حبيبتي !!
فكرت 'حنان' في تغيير مزاج أخيها..
'حنان' :- 'عبد الحميد' فين ولادك؟ قصدي ليه ماشفناهمش في الحفلة ؟!!
'عبد الحميد' :- سبناهم في القاهرة !!
'حنان' :- ليه؟ كان لازم تجيبهم مع 'نرجس' حتى ينبسطوا في الفرح ويلعبوا مع بناتي !!
'عبد الحميد' :- صعب أجيبهم هنا. مش هقدر أخذ بالي منهم !!
'حنان' :- لا يا أخويا ماينفعش كدا. حرام عليك المفروض ييجوا ويفرحوا في مناسبة زي دي. وخليك مطمن أنا اللي هأخذ بالي منهم. ولو عايز خليهم يقعدوا معايا !!
'عبد الحميد' :- مش هتزهقي منهم ؟!!
'حنان' :- لا أبداً. أنا وبناتي بنحب ولادك. وهحطهم جوه عنيا !!
'عبد الحميد' :- خلاص بكرة لو لقيت وقت هسافر أجيبهم !!
نظر 'عبد الحميد' إلى 'توليب' فرأها تلاعب ابن اخته، فسرح بنظراته عليها..
'عبد الحميد' :- خالتي ؟!!
'زهراء' - بحدة - :- وأنا عملت إيه ؟!!
انتبه 'عبد الحميد' لنفسه والتفت سريعاً نحو 'زهراء'..
'عبد الحميد' :- هاه ولا حاجة. بس من بكرة هتيجي تقعدي جنبي !!
'زهراء' :- يعني فين أقعد جنبك ؟!!
'عبد الحميد' :- حجزت ليكي وللدكتورة جناح قريب من جناحي !!
'زهراء' :- ليه ؟!!
'عبد الحميد' :- فكرت أنك خالتي فلازم تكوني جنبي، والدكتورة يمكن نحتاجها لعمي !!
'زهراء' :- بس أنا مش عايزة. أنا مرتاحة في البيت !!
'عبد الحميد' :- وهو في فرق تقعدي في بيت أو في فندق ؟!!
'زهراء' :- أيوة في فرق. أنا بحب الأستقلالية ومابحبش الموظفين وهم داخلين خارجين ينظفوا !!
وجدتها 'حنان' أنها فرصة ليتقربا 'توليب' و'عبد الحميد' من بعضهما البعض..
'حنان' - بغمزة - :- لا يا خالتي. 'عبد الحميد' عنده حق. أنتي لازم تقعدي معاه في الفندق وتسمحي لـ 'أمل' تهتم بصحة عمه. دا طبعاً بعد إذنك يا 'أمل' ؟!!
'توليب' :- أنا هقعد مع 'زهراء' فين ما هتقعد !!
'زهراء' :- أسمع، أنا موافقة أقعد في بيت قريب من الفندق !!
'عبد الحميد' :- خلاص أنا حجزت، وبكرة الصبح تكونوا جاهزين بشنطكم، وهبعث لكم حد يأخذكم !!
'زهراء' :- خلاص سيبنا يوم في البيت، وبعد بكرة ننتقل للفندق !!
'عبد الحميد' :- بكرة الاقيكم جاهزين !!
التفت 'عبد الحميد' إلى 'فادي'..
'عبد الحميد' :- وأنت يا 'فادي' عايزك في موضوع مهم، لكن وقت ثاني !!
'فادي' - بهدوء - :- أي وقت تحب أنا تحت أمرك !!
'عبد الحميد' :- استمتعوا بوقتكم !!
نهض 'عبد الحميد' من مكانه ونظر إلى 'توليب' نظرة أخيرة قبل أن يبتعد، لكنه تفاجأ عندما سمع أصواتهم تأتي من خلفه وهم يضحكون بسعادة..
♡•♡•♡